Бајадера со путер од кикирики

Еден од најбараните вкусови е комбинацијата на кикирики и чоколадо, нешто во стилот на сникерс слатките, па со нашата БАЈАДЕРА СО КИКИРИКИ ќе се обидеме да го доловиме тој вкус.

Бајадера со путер од кикирки

Овој десерт е без печење и со многу едноставни состојки, што значи многу лесно може да ви се најде во моменти кога не ви се седи премногу долго во кујна.

Бајадера со путер од кикирки

---

Бајадера со путер од кикирики

Количина: 7 плочки

Време за подготовка на состојките: 10 мин

Вкупно време за подготовка на бајадерата: 20-25 мин (без времето за ладење)

Се подготвува во мултипрактик, калап и мал сад за растопување на чоколадото

Состојки:

Околу 200 g меки урми (исчистени од семките)

100 g солени кикирики, грубо издробени

60 g овесни снегулки

Ванила екстракт

1 голема лажица кокосово масло

2-3 големи лажици путер од кикирики

100 g темно чоколадо

1 голема лажица растопено кокосово масло

1 голема лажица путер од кикирики

Неколку иситнети кикирики

Распоредување на смесата за основата на бајадерата

Бајадера со путер од кикирики - сечење на прачиња

Опис:

1. Урмите се мелат во мултипрактик додека да се добие леплива паста. Потоа, пастата од урми, грубо иситнетите кикирики, овесните снегулки, ванилата, кокосовото масло и путерот од кикирики се ставаат во сад и убаво се промешуваат (може да е користи влажна лажица).

2. Во калап убаво се распоредува смесата за основата.

3. Чоколадото се растопува, се додава кокосовото масло и се распоредува врз претходно подготвената основа. Вака подготвениот колач се остава убаво да се излади.

4. На крај, изладениот колачот се дели на парчиња и секое одделно се украсува со путер од кикирики и исечкани кикирики.

Гарнирање на бајадерата

Забелешка:

Колачот може да се чува во фрижидер неколку недели.

Бајадера со путер од кикирики